وقفة مع .. إسماعيل مطر | 11 مايو 2009

البارحة اتصل فيني أخوي على أساس إنه بمر علي بيعطيني غرض معين ، فرحبت به وعزمته عندي في البيت وكان وقت العصر ، خاصة إنه في الجامعة الأمريكية وحياتهم هناك كله على البرجر والهوت دوج ، ففرصة نضيفه من أكل البيت ، المهم لما وصل بادره عبادي بالتحية ” عميييي” وراح يستعرض وياه الألعاب ومهاراته في لعب الكرة . بعدها بشوي عرفت شو السالفة .. قال لي أخوي : مشغول ولا يالس في البيت ، قلت له : لا عادي بس عندي عمال يشتغلون في الميلس واتابعهم يعني مب طالع . قال لأن في مباراة اليوم بين السد والأهلي القطري ، بطولة كاس أمير قطر ، أنا ما حيد أخوي يتابع الدوري القطري !!  طلعت السالفة أن إسماعيل مطر أعاروه فريق الوحدة الإماراتي إلى فريق السد القطري ، والكل يالس يتريى شو بيسوي سمعة مع فريق السد ، وتفاجأت أنه يقول لي إن شباب من الإمارات رايحين يحضرون المباراة في قطر …!!  

(اقرأ المزيد …)